இளங்கலை வணிகவியல் மூன்றாமாண்டு மாணவன். காரைக்குடி அழகப்பா கல்லூரியில் பயின்று வருகிறேன். பிறப்பு 1999. சொந்த ஊர் நாட்டரசன்கோட்டை, சிவகங்கை மாவட்டம். இலக்கியத்தின் மீதான ஆர்வம் வாசிப்பின் வாயிலாக உருவாகியது. அப்பாவின் புத்தகங்கள் வீடெல்லாம் இறைந்து கிடக்க பள்ளிப் பருவத்தில் அவைதான் விளையாட்டுத் தோழர்களாயின. விகடனில் மாணவப் பத்திரிக்கையாளராக ஓராண்டு பணியாற்றி இருக்கிறேன். கவிதைகள் எழுதுவேன். நக்கீரன் கவிதைப் போட்டியில் என்னுடைய கவிதை முதல் பரிசைப் பெற்றது. Pen to Publishக்காக கவிதைத் தொகுப்பு கிண்டில் பதிப்பில் வெளியிட்டேன். போட்டிக் காலம் முடிவடைந்தவுடன் அன்பப்ளிஷ் செய்தும்விட்டேன். எழுத்தினை நேசிப்பதால் அதனை எழுதிப் பார்க்க முயற்சி செய்கிறேன்.