உடுமலை அருகே மேற்குமலைத்தொடர்ச்சி 'வாளவாடி' பூர்வீக ஊர். ஆனால், கோவை அருகிலுள்ள 'ஒற்றைக்கால் மண்டபம்' என்ற ஊரில் பிறந்து வளர்ந்த பாலசுப்பிரமணியன் பொன்ராஜ் இப்போது ஓசூரில் வசிக்கிறார். 2000க்குப்பின் எழுதவந்த முக்கியப் புனைகதை எழுத்தாளர். இவரது 'கனவு மிருகம்', 'துரதிர்ஷ்டம் பிடித்த கப்பலின் கதை' ஆகிய இரு சிறுகதைத் தொகுப்புகளின் மூலம் பரிசோதனைக் கதைகள், மீயதார்த்தப் புனைவுகள், அறிவியல் புனைகதைகள் என வேறுபட்ட கதைக்களங்களை ஆர்த்தவர். கல்குதிரையில் கனவுமிருகம், தந்திகள், வலை, பிரமிடுகளை அளந்த தவளை, பனிமூடிய சிகரங்களும் நிலத்தடி வசிப்பிடமும் ஆகிய சிறுகதைகள் பிரசுரமாகியுள்ளன. 'புனைவு ஓர் அறிவு வித வினைபுரிவாக: மனிதவாத மையம் விலகிய சாத்தியங்கள்' என்ற விரிவான கட்டுரை இவரின் இருதொகுதிகளையும் முன்வைத்து பிரவீண் பஃறுளியால் எழுதப்பட்டு கல்குதிரை 30 ஆம் இதழில் பிரசுரிக்கப்பட்டுள்ளது. பூமணியின் 'அஞ்ஞாடி' நாவலுக்கு 'எளியோர் இட்ட அமுதம் - அஞ்ஞாடி' என்ற வியாக்கியான வாச்சியம் எழுதியும் இருக்கிறார். தற்போது வங்கியின் கிளை மேலாளராக ஓசூரில் பணிபுரிகிறார்.